Një skandal ka tronditur së fundmi institucionet europiane, me zyrtarë të lartë që kanë paralajmëuar se eurodeputetët e paguar nga Moska po përpiqen të ndërhyjnë në zgjedhjet e ardhshme europiane.
Zbulimet “shumë shqetësuese” u bënë nga nënkryetarja e Komisionit, Vera Jourova, e cila theksoi se “Kremlini po përdor mjete të panjohura që pretendojnë se janë media dhe po përdorin para për të blerë ndikim”.
Skandali shpërtheu kur qeveria çeke sanksionoi një faqe interneti të quajtur “Zëri i Europës”, për të cilën pretendon se kishte nisur një fushatë ndikimi pro-rus.
Kryeministri belg, nga ana e tij, tha se Rusia u është drejtuar anëtarëve të Parlamentit Europian, të cilët ai “i ka paguar për të promovuar propagandën ruse”.E gjithë kjo bëhet e ditur më pak se tre muaj para zgjedhjeve europiane që do të mbahen nga 6 deri më 9 qershor.
Dhe ato pasqyrojnë shqetësimet ekzistuese për korrupsionin, si dhe përpjekjet për të përfshirë fuqitë e huaja, siç ishte rasti me skandalin e Katargate që tronditi Parlamentin Europian më pak se dy vjet më parë.
“Nuk na duhet të jemi një hap prapa Putinit dhe ushtrisë së tij propagandistike në lojën botërore të shahut.
Duhet të kemi gjithmonë parasysh se ai po përdor dezinformimin për të përfshirë fuqitë e huaja si armë për të ndarë Europën, theksoi Jourova.
Skandali përfshin faqen e internetit, Voice of Europe, me Ministrinë e Jashtme Çeke që vendosi sanksione ndaj oligarkut ukrainas Viktor Medvedchuk, një aleat i presidentit rus Vladimir Putin.
Ministria gjithashtu vendosi sanksione faqes, si dhe ndaj një personi tjetër që dyshohet se është përfshirë në funksionimin e saj.
Hetime të ngjashme janë kryer edhe në Poloni, ku autoritetet kanë gjetur shuma të konsiderueshme parash.
“Voice of Europe” në YouTube hapet me një paradë eurodeputetësh, shumë prej të cilëve i përkasin partive të ekstremit të djathtë ose euroskeptik, duke u përpjekur të anulojnë Marrëveshjen e Gjelbër, duke parashikuar rënien e Bashkimit Europian ose duke sulmuar Ukrainën.
Sipas mediave holandeze, faqja e internetit i ka rrënjët në Holandë, ku një biznesmen i lidhur me të ishte ish-bashkëpunëtor i liderit të ekstremit të djathtë Thierry Bode në 2016.
/abcnews.al
