Një turiste britanike është aksidentuar për vdekje nga një skaf teksa ishte duke notuar në plazhet e Korfuzit në Greqi.
Mediat greke raportojnë se ngjarja tragjike ka ndodhur gjatë paradites së sotme.
Ndërsa gruaja ishte duke notuar në det, një skaf kaloi sipër saj duke i shkaktuar dëme të mëdha në trup, raporton abcnews.al.
Gruaja u dërgua me shenja jete në spital, por për shkak të plagëve të thella ka ndërruar jetë aty.
Korfuzi është një ndër ishujt grekë më të populluar me shqiptarë që punojnë atje, por edhe vizitorë që janë duke kaluar pushimet. /abcnews.al
