Kryeministri Edi Rama zuri kryetitujt e mediave ndërkombëtare me deklaratat me doza jo të pakta ironie që mbajti në Bruksel për mënyrën sesi ka ecur deri më sot procesi euro-integrues për vendin tonë.
Megjithatë, sipas anëtarit të Kryesisë së Partisë Demokratike Genc Pollo, ajo që kreu i qeverisë duhej të kishte bërë ishte të dilte me presidenten e Kosovës Vjosa Osmani dhe të fliste për mos liberalizimin e vizave.
Pollo theksoi se Kosova dihet tashmë që kushtet i ka plotësuar, por sipas tij ajo po penalizohet nga problemet që kanë pasur shqiptarët pas liberalizimit të vizave në vendin tonë.
Ai solli në vëmendje numrin e madh të shqiptarëve të larguar nga vendi në 10 vitet e fundit, ndërsa shtoi se Franca i druhet një përsëritjeje skenari.
“…Megjithatë ka vende që kanë një problem të madh me emigracionin e paligjshëm. Origjina e këtij problemi fatkeqësisht është vendi ynë. Kosovarët po vuajnë parashikimin që është për shqiptarët. Franca druhet që mund të përsëritet ajo që ka ndodhur në 10 vitet e fundit me Shqipërinë.” /abcnews.al/
