Kryeministri Edi Rama përpara anëtarëve të asamblesë shpjegoi arsyet se përse e do një mandat të tretë qeverisës. Ai tha përpara socialistëve se në mandatin e tretë nëse e fiton synon që të kalojë nga ecja në vrapim Shqipërinë.
“Një mandat i tretë nuk na duhet për vete, por për Shqipërinë, që të kalojë nga ecja në vrapim dhe janë sot kushtet për të shpjeguar si dhe pse Shqipëria për mund të kalojë në një nivel të ri shpejtësie. Dhe kush mund ta kalojë në një nivel tjetër përvec PS-ja? Kush? Ne nuk jemi e keqja më e vogël, por e vetmja e mirë në politikën shqiptare.
Patjetër nuk jemi më e mira e mundshme dhe padiskutim, dhe kjo është arsyeja pse të parët duhet të jemi të vetëdijshëm që potenciali i kësaj force është për shumë më tepër besnikëri ndaj atyre që meritojnë më shumë edhe në aspektin e përfaqësimit dhe shumicës për të cilën shqiptarët do ta votojnë sërish partinë socialiste të Shqipërisë.
Shumëçka mbetet jashtë panoramës së gjykimit, por ajo që kemi të drejtë është që të shkojmë përtej pamjes së parë” tha ai. Shefi i qeverisë në fjalën e tij theksoi se mandatin e parë e kanë shfrytëzuar për të nxjerrë vendin nga kriza./db/Abcnews.al
