Në 24 orët e fundit në vend, janë 13 vatra zjarri nga 20 të evidentuara, sipas një deklarate nga Agjencia Kombëtare e Mbrojtjes Civile, ku mes tyre edhe zjarri në fushën e mbetjeve në qytetin e Vlorës.
Aktive, vijojnë të vatrat në fshatin Zogaj, bashkia Tropojë, i cili është izoluar plotësisht në kufi me bashkinë Has dhe vijon aktive me intesitet të ulët në veri të lagjes Hajdarmataj.
Aktualisht po punohet për shuarjen e vatrës në fshatin Hoten, bashkia Vau Dejës. Zjarri ka intensitet të ulët dhe nuk paraqet rrezik për zonat e banuara.
Zjarri në fshatin Mal-Shëngjin, bashkia Lezhë, ishtë aktiv prej disa ditësh. Pas ndërhyrjes nga ajri është bërë e mundur shmangia e rrezikut për qytetarët, teksa vijon operacioni nga toka dhe ajri.
Ndërkaq vijon të jetë aktiv zjarri në fshatin Zavalinë, bashkia Elbasan, ku janë angazhuar në aksion strukturat e pushtetit vendor të mbështetura nga Forcat e Armatosura.
Puna vijon edhe në dy vatra të tjera, në kodrat e ligenit të Viroit, në Gjirokastër dhe fshatin Lozhan, bashkia Maliq./abcnews.al
