Kreu i grupit parlamentar të PD, Enkelejd Alibeaj ka reaguar mbrëmjen e së dielës pas tensionimit në veri të Kosovës.
Përmes një reagimi në twitter, Alibeaj thekson se PD është në krah të institucioneve të Kosovës.
Sipas tij PD mbështet hapat e Kosovës për vendosjen e masave të reciproritetit.
Postimi i Alibeajt:
Në emër të Grupit Parlamentar të Partisë Demokratike mbështesim hapat e ndërmarra nga institucionet e Kosovës për vendosjen e masave të reciprocitetit me Serbinë.
Partia Demokratike mbështet institucionet e Kosovës në ruajtjen e rendit dhe të ligjshmërisë në të gjithë territorin e saj.
Partia Demokratike mbështet rrugën e Kosovës në konsolidimin e shtetësisë dhe sovranitetit të saj.
Partia Demokratike ndjek me vëmendje situatën e krijuar në veri të Kosovës si pasojë e provokimeve nga strukturat paralele serbe.
Partia Demokratike duke mbështetur vullnetin e institucioneve të Kosovës, duke nxitur bashkërendimin me partnerët tanë strategjikë do të jetë në çdo kohë në krah të Kosovës në rrugën e konsolidimit të shtetësisë dhe të pavarësisë si dhe në ruajtjen e paqes e stabilitetit në rajonin tonë.
