Mijëra njerëz po protestojnë jashtë godinës ku ndodhet selia e qeverisë së Armenisë duke kërkuar dorëheqjen e kryeministrit Nikol Pashinyan.
Protestuesit u përleshën në Jerevan me oficerët e policisë që mbronin selinë e qeverisë armene. Demonstratat filluan pas operacionit ushtarak të nisur nga Azerbajxhani kundër separatistëve armenë në rajonin e Nagorno-Karabakh.
Një gazetar i AFP raportoi se disa nga protestuesit bërtisnin: “Nicole, tradhtar!”, “Nicole, jep dorëheqjen!” dhe “Artsakh! Artsakh!’ (emri që armenët i japin Nagorno-Karabakut). Nga ana e saj, policia në përpjekje për t’u përballur me qindra protestues, mbylli hyrjet e godinës së qeverisë.
“Nëse qeveria nuk i mbron 120,000 bashkatdhetarët e saj në Karabak, atëherë ajo duhet të japë dorëheqjen,” tha një nga protestuesit.
Only one of multiple protests happening in Yerevan, Armenia. The protesters are calling for the resignation of the PM Pashinyan, and are seemingly headed towards the Russian Embassy calling Russia “the biggest enemy of Armenia.” pic.twitter.com/czBfR05Qu9
— Andranik Shirinyan ?? (@Shirinyan) September 19, 2023
