Kryeministri Edi Rama i është përgjigjur presidentit Ilir Meta, pasi ky i fundit bëri fajtore qeverinë për situatën kaotike të krijuar në Kakavijë përgjatë javës së shkuar.
Rama i cilëson akuzat e Metës një “sebep” për të shfrytëzuar postin e presidentit për qëllime politike.
Ai ironizon argumentet e tij për fajësimin, duke i konsideruar “parodi tipike alla Baba Xhike”.
“Fajësimi qeverisë për situatën në Kakavi,thjesht një sebep i rradhës për avazin e vjetër të një Presidenti që abuzon me institucionin e lartë,për qëllimet e ulëta të Lëvizjes së tij të Çintegruar politike!
Ndërsa argumentat për fajësimin pastaj pfff..parodi tipike alla Baba Xhike”, shkruan Rama.
Fajësimi qeverisë për situatën në Kakavi,thjesht një sebep i rradhës për avazin e vjetër të një Presidenti që abuzon me institucionin e lartë,për qëllimet e ulëta të Lëvizjes së tij të Çintegruar politike! Ndërsa argumentat për fajësimin pastaj pfff..parodi tipike alla Baba Xhike
— Edi Rama (@ediramaal) August 17, 2020
Meta tha se qeveria duhet të kishte reaguar në kohë për të informuar qytetarët dhe jo të drejtonte gishtin në anën tjetër të kufirit./abcnews.al
