Loading ...
Zjarret në vend janë vendosur nën kontroll por pavarësisht reshjeve dhe uljes së temperaturave 5 vatra mbeten ende active.Ministria e Mbrojtjes raporton se gjatë 24 orëve të fundit janë regjistruar 34 vatra zjarri, nga të cilat 27 janë shuar dhe dhe 2 mbeten në monitorim
Një riaktivizim të zjarrit ka pasur në fshatrat e Gramshit.
Në fshatrat Kullollas, Kodovjat dhe Ermenj, ka vazhduar puna për shuarjen e zjarrit të rënë më herët .Aktive ,mbetet një vatër në Malin e Koshnicës, e cila po mbahet në monitorim. riaktivizim të flakëve pati dhe në fshatin Bletëz, e cila u normalizua nga ndërhyrja. Situata në fshatrat e përshkuar nga zjarri po mbahet në monitorim.
Në vendin e quajtur “Teqeja e Dushkut”, njësia administrative Kukur, bashkia Gramsh, vatra e zjarrit vijon të jetë aktive.
Ka vijuar të jetë aktiv zjarri edhe në fshatin Pezë Helmës, i cili ka marrë përmasa dhe ka dalë jashtë kontrollit. Për vënien nën kontroll u kryen ndërhyrje nga ajri me një helikopter të Emirateve të Bashkuara Arabe ndërsa raportohet se tashmë ka rënë intesiteti i flakëve.
Zjarri me intesitet raportohet edhe në Parkun Natyror Gërmenj, bashkia Kolonjë në kufi me Greqinë. Shpërthimet herë pas herë të municioneve luftarake të pranishme në zonë që nga lufta italo-greke, bënë që të ndërpritej operacioni.
Sipas ministrisë së mbrojtjes është arritur që të shuhen vatrat e zjarrit në Val të Bulqizë, në fshatin Xeth në Fushë Arrëz,Durishtë të Petrelës, Ferraj–Zall Herr–Brarë–Priskë e Vogël në Dajt, Zall Bastar, Vilë-Ballaj në (Rrogozhinë) dhe Kalanjas të skraparit. / abcnews.al /
