Andriy Shevchenko, ish-sulmuesi i Milanit dhe trajneri i Ukrainës, ka bërë një krahasim për situatën në të cilën ndodhet Italia, që është “pushtuar” nga Koronavirus. Shevchenko e krahasoi situatën në Itali me katastrofën e Çernobilit.
Në një intervistë të tij për SkySport, Sheva tha: “Kjo situatë, është shumë e ngjashme me katastrofën e Çernobilit. Unë kam jetuar jashtë qytetit dhe personalisht jam mirë. Ndodhem në karantinë prej 10 ditësh tashmë”, tha mes të tjerash ish-sulmuesi i njohur.
Në Itali, po vdesin qindra njerëz çdo ditë dhe vetëm ditën e djeshme, u ndanë nga jeta plot 969 persona nga Koronavirus. Shteti fqinj është zonë e kuqe prej shumë ditësh tashmë./abcnews.al
