Ndoshta jo shumë kush e di, por sipërmarrësja e njohur Antonela Hako ka motër aktoren e famshme Ema Andrea.
E ftuar në “E ardhmja është vajzë”, ajo tregoi se Ema është binjake me një vëlla dhe të tre së bashku janë shumë të lidhur me njëri-tjetrin.
Sipas Antonelës, ata kur takohen vazhdojnë të qeshin po njësoj sikur të ishin fëmijë.
Sakaq, biznesmenia e ka cilësuar Emën një artiste në të tërën, që nga maja e flokut e deri te maja e gishtit.
“Motra dhe vëllai janë binjakë dhe le të themi ata të dy janë të pandashëm me një dashuri të frikshme për njëri-tjetrin, po ne që të tre jemi shumë të lidhur dhe kemi një marrëdhënie nuk di të them, nëse kemi ndonjë problem menjëherë e ndiejmë se diçka nuk shkon. Vazhdojmë të qeshim po njësoj siç kemi qenë fëmijë kur takohemi. Edhe ajo është një artiste në të tërë, që nga maja e flokut e deri te maja e gishtit, nuk janë kurrë si ajo. Nuk ka si motra, edhe vëllai është tjetër dashuri”, u shpreh ajo.l.k/abcnews.al
