Diego Simeone riktheu Atletico Madrid te titulli kampion pas shtatë vitesh. “Colchoneros” dominuan futbollin spanjoll këtë sezon dhe e merituan trofeun e madh. Trajneri argjentinas, lideri dhe strategu i këtij ekipi, flet rreth këtij momenti magjik.
“Është e bukur ta fitosh titullin, ia dolëm ta rikthenim në shtëpi pas shtatë vitesh. Ky sezon ka qenë i vështirë për të gjithë, pandemia na goditi keq. Por, historia e Atletico Madrid bazohet te forca dhe rezistenca. Suksesi në këtë vit është edhe më i veçantë.
Kur erdha si trajner këtu në vitin 2011, u shpreha që do doja që njerëzit të identifikoheshin me historinë e këtij klubi. Vendosa të qëndroj pasi u larguam nga Calderon, e kuptova që e ardhmja ime ishte këtu.
Më parë, Atletico fitonte trofe çdo 25 vjet, më pas zbritëm në çdo 18 vjet, ndërsa tani po e bëjmë çdo 7 vjet. Jemi shumë të lumtur, por fshihet një punë e madhe pas këtij suksesi. Është shumë e vështirë të fitosh në Spanjë.
Ne përballemi dhe garojmë me skuadra si Real Madrid dhe Barcelona, që janë mësuar të kryesojnë La Liga. Që t’i mposhtësh duhet të paraqitesh shumë mirë, duhet të bësh maksimumin“, përfundoi trajneri kampion i Spanjës. /abcnews.al
