Tre persona kanë rënë në prangat e policisë së Tiranës, pasi në bashkëpunim me njëri-tjetrin siguronin dhe sillnin në Shqipëri dokumente të shtetësive të huaja, të falsifikuara.
Sipas policisë mësohet se në kuadër të operacionit të koduar “Watermark”, është bërë I mundur ndalimi i Mariglen Hotit 35 vjeç, Shkëlqim Hoxhës 35 vjeç dhe i Ilir Hoxhës 34 vjeç të tre banues në Tiranë.
Mësohet se në fillim në Kamzë është lokalizuar 35 vjeçari Hoti, të cilit i është gjetur një patentë italiane e dyshuar e falsifikuar.
Pas hetimit është zbuluar se Shkëlqim dhe Ilir Hoxha, siguronin dokumentet e falsifikuara jashtë vendit, dhe më pas ja sillnin 35 vjeçarit, kundrejt pagesës, dhe ky i fundit gjente klientë dhe i shiste në Shqipëri.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale./abcnews.al
