Loading ...
Sidney ka regjistruar numrin më të lartë të të infektuarve në një muaj, pavarësisht bllokimit prej dy javësh. Vendi raportoi 38 raste, duke e çuar mbi 370 numrin e rasteve me variantin Delta.
Autoritetet thanë se qytetarët po shkelnin rregullat e bllokimit duke takuar persona të tjerë. Ata u janë lutur banorëve të respektojnë urdhrin për qëndrimin në shtëpi. Një nga arsyet e rritjes së rasteve ishte mosrespektimi i masave nga personat e infektuar.
Qyteti më i madh i Australisë, prej 5 milion banorësh do të qëndrojë në karantinë deri me 17 korrik. Shpërthimi i Covid ka shkaktuar zemërimin e publikut për shkak të përhapjes së ngadaltë të vaksinave.
Më pak se 10% e australianëve janë vaksinuar dhe mungesa e furnizimeve, veçanërisht e vaksinës Pfizer, do të thotë që shumë njerëz – sidomos të moshës nën 40 nuk do të mund të vaksinohen deri në fund të vitit.
Fushata e vaksinimit në Australi filloi në shkurt por u pezullua për shkak të hezitimit për tu vaksinuar AstraZeneca. s.ba/abcnews.al
