Nëse jeni një nga ata njerëz që mendojnë shumë nëse duhet të postojnë një foto në rrjetet sociale, sepse nuk e dinë nëse njerëzit do ta pëlqejnë atë, atëherë e dini se sa e bezdisshme është të kujdesesh kaq shumë për atë që të tjerët mendojnë për ty.
Edhe pse është krejtësisht normale të marrësh seriozisht mendimin e njerëzve të afërt, kur mendimi i disa të panjohurve fillon të ndikojë tek ti, atëherë gjithçka bëhet disi problematike. Eksperti i shëndetit mendor Luke Kennedy i jep Stylist disa këshilla se si mund të kufizojmë mënyrën se si ndikojmë nga opinionet e njerëzve të tjerë.
Bëni disa “punë të brendshme”
Një nga gjërat më të rëndësishme që do t’ju ndihmojë të mos mendoni aq shumë për mendimin e të tjerëve, është të njihni mirë veten. Vetëdija për fillim ju ndihmon të keni më shumë besim te vetja dhe vendimet tuaja. Nëpërmjet kësaj do të kuptoni edhe më mirë sjelljet ndërsa do të filloni të vendosni limite kur ato shkelen.
Lejoni vetes të bëni gabime
Nëse ju intereson shumë se çfarë do të thonë të tjerët për ju, gjëja më e sigurt është se ju gjithmonë shmangni gabimet dhe për këtë arsye shmangni çdo situatë të vështirë. Pra, është e rëndësishme t’i lejoni vetes të bëni gabime dhe t’i lejoni vetes të kritikoheni pa e marrë për zemër.
Zgjidhni me kujdes njerëzit që keni rreth jush
Nëse shoqëroheni me njerëz që ju kritikojnë fort dhe vazhdimisht tregojnë për gabimet dhe dobësitë tuaja, atëherë me siguri po bëni diçka të gabuar me mjedisin tuaj shoqëror. Kjo është arsyeja pse është e rëndësishme të shmangni humbjen e kohës me njerëz të tillë. Nëse bëheni më selektivë, do të zbuloni se do të ndikoheni gjithnjë e më pak nga njerëzit që ju bëjnë të ndiheni të pakëndshëm dhe në siklet./abcnews.al
