Si rrallëherë, Fjoralba Ponari publikon foton me të dashurin

schedule09:07 - 13 Shtator, 2020

schedule 09:07 - 13 Shtator, 2020

Fjoralba Ponari është padyshim një ndër moderatoret më të dashura të ekranit shqiptar. Ajo ka tërhequr gjithmonë vëmendjen për karakterin dhe thjeshtësinë që e karakterizon. Moderatorja ka rrëfyer gjithmonë se është në një lidhje, mirëpo është kujdesur gjithmonë që ta mbajë partnerin larg vëmendjes së publikut.

Së fundmi, Fjoralba ka thyer “rregullin” dhe ka postuar një foto krah tij. Ata shihen të përqafuar teksa kanë pozuar para pasqyrës, por edhe këtë herë ka preferuar ta ruajë imazhin e tij, duke vendosur një zemër në fytyrë. Kujtojmë që pak ditë më parë në një bashkëbisedim me ndjekësit në Instagram, moderatorja foli për partnerin e saj, teksa një ndjekës e pyeti lidhur me këtë.

Njëri prej ndjekësve e ka parë moderatoren me një djalë në rrugë, ndërsa nuk ka nguruar ta pyesë se për kë bëhet fjalë.  “Kush është ai çuni i gjatë dhe simpatik që ishte me ty sot? Je si beb live”, ka qenë komenti i ndjekësit, ndërsa moderatorja ia ka kthyer: “I dashur im dhe faleminderit.” xh.d/abcnews.al