Kina, ekonomia e dytë më e madhe në botë ishte e para që u godit nga shpërthimi i koronavirusit , i cili e detyroi atë të ndalonte udhëtimet, të mbyllte dyqanet, parqet madje të merte edhe masa të forta siç ishte izolimi total i vendit, shkruan CNN.
Tani, vendi po hapet gradualisht . Dhe ndërsa pjesa tjetër e botës po përgatitet të bëjë të njëjtën gjë, edhe kompanitë që u mbyllën për shkak të koronavirusit janë duke planifikuar se si t’i rikthehen punës.
Përgjigjet e korporatave në Kinë janë bërë një pikë qendrore për analistët e Wall Street në muajt e fundit, pasi markat globale si Nike ( NKE ) , Starbucks ( SBUX ) dhe Disney ( DIS ) kanë ndarë përvojat e tyre me investitorët dhe kreditorët se si të veprojnë me ekipet e tyre gjatë kësaj krizë,raporton abcnews.al
Nike, për shembull, kohët e fundit tha se ishte “duke parë anën tjetër të krizës në Kinë” .
Kur Volkswagen ( VLKAF ) rihapi fabrikën e tij gjigande në Wolfsburg , Gjermani, këtë javë, gjithashtu citoi se do të rihapte 32 nga 33 fabrikat në Kinë.
Strategjitë e reja që kompanitë po prezantojnë nuk do të thotë se jeta po rikthehet përsëri në normalitet, sipas drejtuesve të biznesit dhe ekspertëve. Në vend të kësaj, ata thonë se kriza mund të ndryshojë përgjithmonë mënyrën se si ne punojmë, blejmë dhe menaxhojmë bizneset tona.
“Kjo është norma e re,” tha Alain Benichou, CEO i IBM China. ”
Ja një vështrim se si do të ndryshojë e ardhmja e biznesit – dhe se si Kina po na përcjell imazhet paraprake.
Mënyra se si ne po punojmë
Për Despina Katsikakis, vendi i punës i duket shumë ndryshe tashmë.
Katsikakis, e cila punon në Londër merret me inovacionin dhe praktikat e reja në firmën e pasurive të patundshme Cushman & Wakefield ( CWK ).
Ajo madje ka qënë e para që ka këshilluar kompanitë në të gjithë botën të rikthehen në punë.
Në Kinë, 1 milion punonjës të firmës janë rikthyer në zyra.
Sipas mendimit të Katsikakis, kriza që shkaktoi koronavirusi po pasqyron tashmë të ardhmen e punës të një dekade.
Firma po punon në një aspekt të ri duke filluar me një udhëzues vizual për klientët e saj të quajtur “Zyra një metër largësi nga njëri-tjetri “.
Ky koncept, në zyrën e Cushman & Wakefield në Amsterdam, u bazua në shembullin e marrë nga Kina.
Në këtë normë të re, tavolinat janë të ndara 1 metër larg. Zyrtarët shëndetësorë në të gjithë botën me muaj kanë këshilluar njerëzit të ruajnë këtë distancë nga njëri-tjetri për të parandaluar përhapjen e virusit, raporton acbnews.al
Punëtorët udhëzohen të ecin “vetëm në një rrugë” – në drejtim të akrepave të orës – në të gjithë zyrën, për të shmangur lëvizjen pranë njëri-tjetrit dhe kështu të shmangin përhapjen e më shumë mikrobeve. Katsikakis tha se udhëzimet bazoheshin në konsultime me ekspertë të kujdesit shëndetësor.
Gjatë viteve të ardhshme, ajo parashikon se do të përdoren sensorë që tregojnë pjesën më të madhe të sipërfaqeve të përbashkëta që është prekur nga punonjësit e zyrës. Në vend që të ndërrojmë rrugën për të hyrë në zyrë, për shembull, mund të kemi një aparat fotografik për njohjen e fytyrës ose me anë të një kodi QR në telefonin tuaj.
Kompanitë gjithashtu do të investojnë më shumë në sistemet e filtrimit të ajrit në zyrë për të zvogëluar ajrin e ndotur që krijohet gjatë qëndrimit gjatë në zyrë.
Megjithëse ky koncept kërkon më shumë hapësirë, nuk do të thotë që të kesh një zyrë do të jetë më e kushtueshme. Nëse ka një gjë që ka treguar situata, është se puna në distancë është efektive, tha Katsikakis. Kjo do të thotë që më pak njerëz do të përdorin të njëjtën hapësirë .
Mënyra se si komunikojmë në punë ka ndryshuar gjithashtu.
Jared Spataro, nënkryetar i korporatës për Microsoft 365, tha të enjten se programi i mesazheve dhe videove tani ka 75 milion përdorues në ditë , 70% më shumë se muajin e kaluar.
Mënyra se si ne do të blejmë
Pavarësisht situatës së krijuar duket sikur tani është koha e përkryer për firmat që të punësojnë klientë të rinj, tha Deborah Weinswig, CEO e Coresight Research, një firmë këshilluese dhe kërkimore në teknologji.
Ndërsa miliona njerëz po qëndrojnë në shtëpi, ata po detyrohen të krijojnë rutina dhe stile të reja jetese, theksoi ajo.
“Ata gjithmonë kanë thënë se duhen 21 ditë për të ndryshuar një zakon”, tha Weinsëig. “Ne po ndryshojmë zakonet tona të blerjes, dhe disa prej tyre do të vazhdojnë për një kohë të gjatë.”
Disa prej tyre kanë filluar të përdorin shitjet online.
Gjigandi i veshjeve sportive raportoi në Mars se kishte fituar të ardhura të mëdha nga shitjet online.
Shitjet digjitale në Kinë u rritën më shumë se 30% tremujorin e fundit, ndërsa përdoruesit aktivë javorë të aplikacioneve u rritën 80%, u tha CEO John Donahoe investitorëve.
Kompania gjithashtu publikoi më shumë produkte në internet, duke përfshirë edhe ato atlete që janë modele të kufizuara si Air Jordanans, raporton acbnews.al
Mënyra se si ne po menaxhojmë zinxhirët tanë të furnizimit
Pandemia mund të krijojë gjithashtu një rindërtim të zinxhirit global të furnizimit.
Në përgjithësi, zinxhirët e furnizimit të mallrave të konsumit janë “të projektuara për t’i dhënë përparësi efikasitetit mbi fleksibilitetin dhe rezistencën”, shkroi John Knapp, partner dhe drejtor menaxhues në Boston Consulting Group, në një postim të fundit në blog .
Por gjatë muajve të fundit, “mungesat e lëndëve të para dhe furnizimet kritike, së bashku me mungesën në rritje të punëtorëve, kanë rritur rreziqet themelore,” shtoi ai.
Kjo po detyron bizneset të rimendojnë se si të transportojnë mallrat e tyre.
Mbyllja e kufijve ka lënë pa furnzime një pjesë të madhe të bizneseve, raporton abcnews.al
Edhe qeveritë po përpiqen të veprojnë sa më shpejt. Muajin e kaluar, Japonia njoftoi një plan për të ndihmuar kompanitë që të zhvendosnin prodhimin e tyre në shtëpi, tha Andrew Staples, drejtori botëror i Rrjetit të Korporatave Ekonomist.
Rindërtimi i zinxhirëve të furnizimit kërkon kapital të konsiderueshëm dhe kohë – dy gjëra që shumica e bizneseve nuk i disponojnë për momentin.
“Më e rëndësishme për ta janë të ardhurat. Nëse produketet tuaja nuk mund të shiten , ju nuk mund të paguani furnizuesit tuaj, furnizuesit nuk mund të paguajnë shitësit e tyre,” tha ai. “Ne duam dhe duhet ta kapërcejmë këtë situatë sa më shpejt të jetë e mundur./Përktheu: Sonila Backa-abcnews.al
