Java e kaluar ishte më e keqja për Putinin që kur pushtoi Ukrainën me 24 shkurt, sipas Thomas Friedman, New York Times.
Megjithatë, ka një pyetje që nuk i monopolizon diskutimet, sepse është e vështirë t’i japësh një përgjigje, por është në thelb të zhvillimeve: Si mund të përfundojë lufta?
Ne ende nuk e dimë, shkruan Friedman, i cili megjithatë thekson tre skenarë të mundshëm rreth përfundimit të luftës:
Skenari 1 : Fitorja totale e Ukrainës, një fitore nën hijen e së cilës, megjithatë, një Putin i poshtëruar mund të vazhdojë me një lëvizje “të çmendur” ose çmendurisht shkatërruese.
Skenari 2 : Arritja e marrëveshjes me Putinin që do të çojë në një armëpushim, por do të shkaktojë përçarje midis aleatëve perëndimorë dhe do të zemërojë shumë ukrainas.
Skenari 3 : Arrija e një marrëveshje me të cilën mund të bien dakord si ukrainasit dhe rusët, por jo vetë Putini, i cili do të duhej të hiqej nga pushteti.
Për sa i përket skenarit të parë: Askush nuk pret që ushtria ukrainase të vazhdojë kundërsulmin e saj të suksesshëm gradualisht. Forcat kërkojnë të përparojnë në Ukrainën lindore.
Megjithatë, për herë të parë disa tani po pyesin “çfarë do të ndodhë nëse ushtria ruse humbet?”.
Megjithatë, vetë Putini ka paralajmëruar se ai mund të përdorë edhe armë bërthamore nëse humbet edhe më shumë në frontin ushtarak. Thomas Friedman, nga ana e tij, shpreson se CIA ka një plan sekret që do të pengonte udhëheqjen ruse të “shtypte” butonin bërthamor në një rast të tillë.
Lidhur me skenarin e dytë : Thomas Friedman nuk mund ta imagjinojë presidentin ukrainas Volodymyr Zelensky të pranojë një armëpushim sipas kushteve aktuale.
Megjithatë, në muajt e ardhshëm gjërat pritet të bëhen më të vështira, veçanërisht në Europë. Disa liderë evruopianë do të fillojnë të pyesin veten nëse mund të arrihen negociatat?
Putin mund të përpiqet të përçajë europianët duke pretenduar se ai vetë është i gatshëm të negociojë një marrëveshje armëpushimi dhe rivendosjen e flukseve të energjisë ruse në Europë, por me kushte që Kievit nuk do t’i pëlqejnë, raporton abcnews.al.
Në një rast të tillë, Zelensky natyrisht do të duhej të siguronte garanci sigurie, ndoshta edhe nga vetë NATO. Në të njëjtin kontekst, megjithatë, Ukraina do të ketë humbur më shumë territore në krahasim me linjat e 24 shkurtit .
Për sa i përket skenarit të tretë: NATO dhe ukrainasit mund t’u propozojnë rusëve një armëpushim, por bazuar në linjat e kontaktit të 24 shkurtit. Në një rast të tillë, Putini do të “mbante” një pjesë të Donbasit dhe Krimesë, por do të humbiste Mariupolin dhe të gjitha vendet e tjera që forcat ruse kanë pushtuar në shtatë muajt e fundit.
Me fjalë të tjera, në një skenar të tillë, Rusisë do t’i duhej të pranonte se zhvilloi një luftë, por nuk fitoi asgjë më shumë në krahasim me atë që “kishte” para 24 shkurtit.
Sigurisht, nuk ka asnjë mënyrë që Putini ta pranojë publikisht humbjen e tij, siç theksoi Friedman, sipas të cilit, megjithatë, udhëheqësi rus teorikisht mund të rrëzohej ose nga populli rus ose nga zyrtarë të tjerë rusë, duke marrë të gjithë përgjegjësinë për luftën.
Nga ana tjetër, natyrisht, sipas Thomas Friedman, ekziston edhe mundësia që Putini ose të zëvendësohet nga dikush më i keq ose të lërë pas kaos dhe rrëmujë në një vend me mijëra koka bërthamore, raporton abcnews.al.
Kjo luftë mund të përfundojë në mënyra të ndryshme, përfundon Friedman në artikullin e tij në New York Times. Disa nga këto mënyra janë më të mira, dhe disa janë më të këqija, por asnjëra nuk do të jetë e lehtë.
/abcnews.al
