Si do të mbahet këtë vit Festivali i Këngës, kush do të jenë prezantuesit

Festivali i 59-të i Këngës është një ndër eventet që nuk është anuluar si pasojë e pandemisë, por do të mbëhet duk iu përshtatur kushteve për të mos lejuar përhapjen e Covid-19. Në një deklaratë, stafi drejtues i festivalit ka bërë me dije se “festivali do të mbahet midis datave 17-26 dhjetor, në varësi të kushteve të diktuara nga pandemia dhe moti”.

Drejtues të këtij edicioni do të jetë aktorja dhe moderatorja Jonida Vokshi dhe Blendi Salaj. Këtë vit, evenimenti do të mbahet në mjedis të hapur, në sheshin “Italia” në Tiranë, ndërsa performancat nuk do të realizohen me më shumë se 7 persona në skenë, përfshirë dhe interpretuesin.

 

View this post on Instagram

 

Stafi drejtues i Festivalit të 59-të të Këngës në Radio Televizionin Shqiptar realizoi sot një takim në mjediset e RTSH-së ku ishin të ftuar, autorët, interpretuesit dhe gazetarët e kulturës. Drejtori i Festivalit, Martin Leka, prezantoi stafin e këtij edicioni, i cili do të mbajë firmën e regjisorit Pali Kule, skenar të gazetarit Blendi Salaj, i cili do të bashkëdrejtojë këtë edicion me aktoren dhe moderatoren Jonida Vokshi. Në takim u shpalos platforma e Festivalit të 59-të i cili do të mbahet këtë vit në kushte të veçanta, për shkak të rrethanave të krijuara nga covid 19, në mjedis të hapur, pranë sheshit “Italia” në kryeqytet. Interpretuesit kanë mundësi të përcjellin këngën e tyre artistiksht, nëpërmjet performancave që do të lejojnë jo më shumë se 7 persona në skenë, përfshirë interpretuesin, duke respektuar protokollin e masave anti-covid të përcaktuar nga Ministria e Shëndetësisë. Festivali do të mbahet midis datave 17-26 dhjetor, në varësi të kushteve të diktuara nga pandemia dhe moti. #fest59 #festivali59 #rtsh #eurovision

A post shared by Festivali i Këngës në RTSH (@festivali_rtsh) on Nov 6, 2020 at 4:11am PST

“Interpretuesit kanë mundësi të përcjellin këngën e tyre artistikisht, nëpërmjet performancave që do të lejojnë jo më shumë se 7 persona në skenë, përfshirë interpretuesin, duke respektuar protokollin e masave anti-covid të përcaktuar nga Ministria e Shëndetësisë.

Festivali do të mbahet midis datave 17-26 dhjetor, në varësi të kushteve të diktuara nga pandemia dhe moti.”, thuhet ndër të tjera në deklaratë. /abcnews.al