Loading ...
Aktorja e njohur italiane Claudia Cardinale u nda nga jeta në moshën 87-vjeçare. Cardinale mbylli sytë përgjithmonë në Nermous të Francës e rrethuar nga fëmijet e saj.
Ajo ishte ylli i disa prej filmave më të famshëm europianë të viteve 1960 dhe 1970.
Roli i saj më i njohur ishte ai në filmin “8½” të Federico Fellini, në të cilin luajti bashkë me Marcello Mastroianni-n në vitin 1963.
Cardinale gjithashtu mori vlerësime për rolin e saj si Angelica Sedara në filmin e vlerësuar me çmime të “Leopardi” dhe në rolin e saj në filmin western të Sergio Leone “Once Upon a Time in the West” në vitin 1968.
Cardinale e filloi karrierën e saj në kinema në moshën 17 vjeçare, pasi fitoi një konkurs bukurie në Tunizi, ku lindi nga prindër sicilianë që kishin emigruar në Afrikën e Veriut. Konkursi e solli atë në Festivalin e Filmit në Venecia, ku ajo ra në vëmendjen e industrisë italiane të filmit.
Ndër çmimet e saj në industri ishte një Luan i Artë për Arritjet në Karrierë që mori në festivalin e filmit në Venecia gati 40 vjet pas paraqitjes së saj të parë në ekran. / abcnews.al /
