Shtyhet vendimi, Arbër Çekaj përplaset me togat e zeza në seance: Proces farse

15:19 | 19/02/202015:190

Arbër Cekaj nuk e degjoi sërish shqiptimin e gjyqtarëve për dënimin ndaj tij. Në seance ku shpresohej të paraqitej mbrojtja dhe të jepej vendimi për të.  Për akuzën e trafikimit të 613 kg kokainë nga Ekuadori, pronari i Abri Garden debatoi në salle me togat e zeza.

Ai u tha gjyqtarëve se janë të interesuar ta mbyllin sa më parë këtë proces farsë, pasi nëse do të ishte hetuar si duhet, siç u shpreh ai, sot do të ishte tjetërkush në burg.

Debati u ndoq edhe nga përfaqësuesi i Ambasadës Amerikane në Tiranë i thirrur ne seancë me kërkesë të Arber Çekajt për të monitoruar procesin.

Arbër Çekaj këmbëngul që operacioni është dekonspiruar dhe nuk i janë vënë në dispozicion një sërë provash, sic janë pamjet filmike të momentit kur është arrestuar Donaldo Lushaj.

Avokatët e Cekajt kërkuan shtyrjen e seancës duke pretenduar se njëra nga CD-të me bisedat e përgjuara në “Watssapp”, mes Arber Çekajt dhe Donaldo Lushajt, nuk hapet. Por, kryesuesja e seancës Danjela Shirka tha se kjo CD i është vënë në dispozicion prej kohesh palës mbrojtëse.

Gjithsesi gjykata vendosi t’i jepet e drejta palës mbrojtëse që kjo CD të hapet nga programet kompjuterike të Gjykatës.

Avokatët deklaruan gjithashtu se prokurori ka bërë kërkese në bllok për të treja akuzat, pa specifikuar vitet e denimit për secilën vepër penale. Ndëra prokurori Edvin Kondili sqaroi se për akuzen e grupit të struktuarar kriminal ka kërkuar 5 vite burg, për trafikim të drogës dhe kryerje të veprave penale nga organizata kriminale ka kërkuar 16 vite burg.

Si përfundim, në bashkim të dënimeve, organi i akuzës ka kërkuar 21 vite burg për Arber Çekajn. Procesi gjyqësor në ngarkim të tre të pandehurve po zhvillohet me procedura të shkurtuara dhe atyre u ulet 1/3 e dënimit që do të vendosë gjykata./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono