Sekretari amerikan i Mbrojtjes, Lloyd Austin viziton Izraelin të hënën për të marrë një vlerësim më të qartë nga zyrtarët izraelitë mbi operacionet e tyre ushtarake në Gaza.
Kjo vizitë vjen në mes të kritikave në rritje të administratës Biden ndaj kryeministrit izraelit Benjamin Netanyahu për numrin e viktimave në Gaza.
Austin do të marrë përditësime mbi mënyrën se si Forcat e Mbrojtjes të Izraelit, Kabineti i Luftës dhe Ministri i Mbrojtjes Yoav Gallant po vlerësojnë fazën aktuale të operacionit ushtarak në Gaza.
Vizita e Austin vjen pas vizitës në Tel Aviv të këshilltarit të sigurisë kombëtare Jake Sullivan dhe vetëm disa ditë pas komenteve të prera nga Biden që i bëri thirrje Izraelit të bëjë më shumë për të mbrojtur civilët në Gaza./abcnews.al
