Pavarësisht se nuk arriti të gjente formën e duhur, te “Los Colchoneros” e Atletico Madrid, sërish “shtatlarti” turk i mbrojtjes cilësohet si një mbrojtës tejet i fortë dhe ishte një opsion i mirë në stolin e rezervave, për teknikun Diego Simeone, mirëpo aventurës së tij në La Liga i ka ardhur fundit, me 28-vjeçarin, Çaglar Soyuncu i cili është larguar përfundimisht drejt Turqisë.
Që prej janarit, Soyuncu ishte huazuar te skuadra e Fenerbahce aty ku arriti të rigjejë formën e tij dhe me ardhjen e teknikut Jose Mourinho ishte e destinuar një rikthim në shtëpi, por kësaj here në një ekip të madh, si “Fenerët e Verdhë” të Stambollit, të cilët këtë sezon janë favoritët absolut për fitimin e titullit kampion, sidomos pas vendosjes së specialistit, Jose Mourinho në krye të pankiës.
Për kartonin e tij, turqit paguan 8.5 milionë euro, para të cilat bordi i “Bardhekuqve” të Madridit i ka investuar menjëherë, teksa kanë arritur të sigurojnë transerimin e parë për këtë merkato vere, me “shtatlartin” spanjoll të mbrojtjes, Robin Le Normand, i cili do të veshë që nga sezoni i ardhshëm fanellën e “Los Colchoneros”.
Lajmi u bë i ditur nga gazetari i mirënjohur i merkatos, Fabrizio Romano, i cili me një postimi në profilin e tij, në rrjetin social “X”, njoftoi arrtijen e akordit mes Atletico Madrid e Real Sociedad, për shifrën e 30 milionë eurove, teksa pritet që në ditët në vijim, të gjejnë akordin me lojtarin e më pas ta zyrtarizojnë atë si “stopper”-in e tyre më të ri. /i.m /abcnews.al
