Anëtarësimi i Shqipërisë në sistemin europian të pagesave pritet që të arrihet brnda këtij viti.
Gjatë raportimit në komisionin Për Çështjet Europiane ministri i Financave Ervin Mete theksoi se qytetarët dhe bizneset do të mund të kryejnë transferta dhe pagesa sikur të ishin qytetarë të vendeve të BE-së duke pasur komisione 5-6 herë më të ulëta.
Guvernatori Gent Sejko sqaroi se përfitimet financiare do të jenë të konsiderueshme dhe vlerësohen rreth 20 milion euro kursime që në vitin e parë të aplikimit.
Integrimi i rajonit të Ballkanit Perëndimor në SEPA, është hapi i parë i integrimit të rajonit në tregun unik evropian.Shqipëria ka dorëzuar aplikimin zyrtar për anëtarësimin në SEPA në qershor.
