Loading ...
Kombëtarja e Shqipërisë mbylli me fitore ndeshjet e para në Nations League. Në katër sfida, kuqezinjtë siguruan tre suksese dhe një humbje, ndërsa këto rezultate I kanë lejuar asaj të ngjitet edhe në renditjen e përgjithshme të FIFA.
Në përditësimin e fundit të klasifikimit botër, Shqipëria mban vendin e 66-të, një pozicion më mirë se në renditjen e shkuar.
Sa I përket rivalëve në Ligën e Kombeve, vetëm Finlanda është më afër, pasi mban vendin e 75-të, shumë poshtë qëndron Bjellorusia, ndërsa San Marino mbetet në fundin e tabelës me statusin e skuadrës më të dobët në botë.
Ndërkohë, në renditjen e përditësuar të FIFA, Kosova ka vendosur një tjetër rekord.
“Dardanët” kanë fituar dy pozicione pas ndeshjeve të fundit në Nations League, me 1 fitore, 1 humbje dhe dy barazime, duke mbajtur aktualisht vendin e 76-të.
Ky është pozicionimi më i mirë në historinë e kombëtares së Kosovës në klasifikimin botëror.
Nuk ndryshon asgjë mes kryesueseve.
Spanja, kampione e botës në fuqi mban vendin e parë në renditjen e përgjithshme të FIFA, e ndjekur nga Argjentina dhe Franca. Pesëshja e parë e klasifikimit plotësohet me Anglinë dhe Portugalinë, që ka kaluar Brazilin.
