Edhe në Superiore, ka gola të bukur. Dejvi Bregu është padiskutim një nga futbollistët më të mirë në kampionatin shqiptar dhe golat e tij, janë gjithmonë spektakolarë. Goditje dënimi, aksione të shkëlqyera dhe perla njëra pas tjetrës.
Anësori i “Ujqërve” ka shënuar dy supergola këtë sezon, përballë kampionëve në fuqi dhe nënkampionëve. Golat e Bregut ndaj Partizanit dhe Kukësit janë fantastikë dhe faqja zyrtare e Skënderbeut në Facebook, ka vendosur të bëjë një sondazh.
“Rrini që rrini në shtëpi, na jepni një ide për golin më të bukur të Bregut këtë sezon”, referuar faktit që Shqipëria është në izolim për shkak të Koronavirusit./abcnews.al
