Loading ...Kuvendi i Shqipërisë votoi me 110 vota pro pjesëmarrjen e Shqipërisë në Bordin e Paqes.
Eksperti i marrëdhënieve ndërkombëtare Medlir Mema tha për Real Story se kjo nismë institucionale e ndërmarrë nga Trump është e nxituar dhe se erdhi si pasojë e vendimeve të javëve të fundit dhe jo si rezultat i një kohe të gjatë. Mema shtoi më tej se është përdorur si një instrument politik për Trump që të jetë në qendër të zhvillimeve ndërkombëtare.
“Shqipëria vjen nga Lidhja e Kombeve; e ardhmja jonë varet nga mbijetesa e këtij institucioni. Cila ishte origjina e Bordit të Paqes? Ishte të mbikëqyrte procesin e paqes mes Izraelit dhe Palestinës, konkretisht Gazës. Më pas u zgjerua dhe nuk u bë për një kohë të gjatë; ka qenë vetëm në javët e fundit dhe është përdorur si një instrument politik për Trump që të jetë në qendër të zhvillimeve ndërkombëtare.
Nuk ka qenë një nismë e mirëmenduar, ka qenë e nxituar. Shihet si një instrument politik dhe jo si instrument institucional. Ne, si Shqipëri, a do të fuqizojmë përdorimin cinik të pushtetit ndërkombëtar apo do të jemi në anën e institucioneve ndërkombëtare që na shërbejnë ne? Fakti është që neve nuk na ndihmon diçka e tillë dhe është një nismë e nxituar; nuk ka të bëjë me ndërtimin e një rendi të ri ndërkombëtar.
Puna për OKB-në nisi që në vitet ’40, ndërsa këto janë vendime të javëve të fundit.” / abcnews.al /
