Shqipëria miqësore me Jordaninë

Pas ndeshjes me Uellsin, tashmë të konfirmuar për t’u luajtur në datë 20 Nëntor, skuadra kombëtare e futbollit do të luajë një tjetër sfidë miqësore, në datën 10 Tetor në stadiumin “Elbasan Arena” në Elbasan.
Sipas një njoftimi të FSHF-s, përballë do të jetë përfaqësuesja e Jordanisë, e cila vjen në Shqipëri për t’u ndeshur me ekipin e drejtuar nga Kristian Panuçi. Kjo miqësore, sikundër edhe ajo me Uellsin, do të luhet në periudhën kur zhvillohen takimet e grupeve për Ligën e Kombeve.
Plotësohet kështu edhe kuadri i 6 ndeshjeve, me katër sfida zyrtare në grupin me tre përfaqësuese të UEFA Nations League, si dhe dy ballafaqimet miqësore./abcnews.al