Loading ...
Shqipëria debutoi zyrtarisht në Lojrat Olimpike Dimërore “Milano Cortina 2026”. Deni Xhepa garoi në ski alpine në zbritjen “Super Xhi”, duke u renditur vetëm në vendin e 33-të.
Skiatori shqiptar nuk bëri asnjë gabim në provën e tij, por gjithsesi ishte shumë më i ngadaltë se rivalët, duke regjistruar kohën 1 minutë, 31 sekonda e 72 të qindat.
Kjo kohë ishte 6 sekonda dhe 40 të qindat më e ngadaltë se zviceriani Von Almen, që fitoi edhe medaljen e artë.
Deni Xhepa do të garojë edhe në tre displinat e tjera të zbritjes në skia alpine në Lojrat Dimërore.
Ndërkohë, duke nisur nga data 14 shkurt, në pistë do të zbresin edhe tre skiatoret e tjera që përfaqësojnë Shqipërinë në “Milano Cortina 2026”, Lara Kolturi, Lisa Brunga dhe Semire Dauti./abcnews.al
