Shpyllëzimi në Amazonën e Brazilit është rritur me një çerek që nga viti i kaluar, thonë shkencëtarët.
Po ashtu pyjet e shiut në Amerikën Latine pritet që të regjistrojnë vitin më të keq në histori. Në gjysmën e parë të 2020, 3,069 kilometra katrorë sipërfaqe, një zonë dhjetë herë më e madhe se Parisi, u shkatërrua.
Të dhënat paraprake nga Instituti Kombëtar i vendit për Hulumtimin e Hapësirës tregojnë se qershori ishte muaji i 14-të radhazi kur shpyllëzimi është rritur.
Qershori shënon fillimin e sezonit të thatë dhe Brazili është kritikuar nga një numër vendesh dhe grupe mjedisore për shpyllëzime dhe zjarre në shkallë të gjerë.
“Të dhënat e shpyllëzimit në vetvete tregojnë se ne tani kemi një situatë shumë të komplikuar që është jashtë kontrollit në Amazonë,” u shpreh Mariana Napolitano, drejtuesja e shkencës në WWF-Brasil. /abcnews.al/
