Disa të dhëna të reja tregojnë që pacientët me Covid-19 me simptoma më të rënda se një pjesë dhe që u trajtuan me ilaçin remdesivir u shëruan më shpejt sesa pacientët që nuk u trajtuan me ilaçin, tha të mërkurën Instituti Kombëtar i Alergjisë dhe Sëmundjeve Infektive, shkruan CNN.
“Të dhënat tregojnë se remdesivir ka një efekt më të thellë dhe pozitiv në kohën që i duhet një pacienti për tu shëruar nga koronavirusi “, tha drejtori i institutit, Dr. Anthony Fauci.
Rezultatet nga provat paraprake tregojnë se remdesivir zvogëloi kohën e rikuperimit nga 15 në 11 ditë.
“Megjithëse është një përmirësim vetëm prej 31% , ky ilaç është provë shumë e rëndësishme,” tha Fauci. “Pasi ka vërtetuar që është një ilaç mund të ndalojë këtë virus.”
“Rezultatet treguan gjithashtu një mundësi për të mbijetuar virusit, me një shkallë vdekshmërie prej 8.0% për grupin që merrte remdesivir kundrejt 11.6% për grupin e placebo(një ilaç që nuk ka asnjë efekt terapeutik dhe përdoret për të kontrolluar testimin e ilaçeve të reja). ,” tha NIAID.
Normalisht, të dhënat në lidhje me efikasitetin e një ilaçi nuk do të publikoheshin vetëm nga një provë paraprake.
Por “sa herë që ka prova të qarta se një ilaç funksionon, ne kemi një detyrim etik që menjëherë t’i lajmërojmë njerëzit në grupin e placebo në mënyrë që ata të kenë qasje,” tha Fauci.
Administrata e Ushqimit dhe e Barnave në Sh.B.A ende nuk ka aprovuar asnjë ilaç për trajtimin e koronavirusit.
Por FDA planifikon të autorizojë përdorimin e remdesivir në raste kritike, sipas New York Times. Autorizimi mund të jepet në një kohë shumë të shkurtër, njoftoi Times, sipas një zyrtari të lartë të administratës.
Në një deklaratë për CNN, FDA tha që është në bisedime me Gilead Sciences, prodhuesin e remdesivir, në mënyrë që të kenë ilaçe të mjaftueshme për pacientët.
“Si pjesë e angazhimit të FDA për të përshpejtuar zhvillimin dhe disponueshmërinë e trajtimeve të mundshme kundër COVID-19, agjensia është angazhuar në diskutime me Shkencat Gilead në lidhje me përdorimin e remdesivir për pacientët sa më shpejt që të jetë e mundur, tha zëdhënësi i FDA Michael Felberbaum në një deklaratë.
Prova e remdesivirit shënon provën e parë klinike të nisur në SH.B.A.
Rreth 1,090 njerëz morën pjesë në provën klinike ndërkombëtare, tha Fauci.
Por Organizata Botërore e Shëndetit tha që është shumë herët për të folur rreth rezultateve të remdesivir .
“Në fakt nuk ka ende një studim se ky ilaç është ai që do të bëjë gjithë kthesën e situatës,” tha Dr. Maria Van Kerkhove, udhëheqëse teknike e OBSH-së.
Ajo tha se agjensia zakonisht mbledh prova nga disa studime para shqyrtimit të provave.
“Ndonjëherë mund të duhen një numër i caktuar studimesh për të përcaktuar çfarë ndikimi përfundimtar ka një ilaç” tha Dr. Mike Ryan, drejtori ekzekutiv i programit të urgjencave shëndetësore të OBSH-së./abcnews.al
