Loading ...
Të paktën 18 persona, duke përfshirë një grua shtatzënë, u vranë në shtetin jugor të Nigerisë, Rivers, kur një rafineri ilegale nafte u përfshi nga flakët, tha një zyrtar i sigurisë të martën.
Shpërthimi ndodhi të dielën vonë në një zonë të deltës së Nigerit që është goditur në dekadat e fundit nga vandalizmi dhe shfrytëzimi i paligjshëm i hidrokarbureve.
“Zjarri ra në orët e vona të natës dhe 18 persona humbën jetën, ndërsa 25 të tjerë u plagosen”, tha një zëdhënës i policisë së shtetit Rivers.
“Shumica e viktimave ishin të rinj, duke përfshirë një grua shtatzënë dhe një grua e re që po përgatitej për ceremoninë e saj të dasmës muajin e ardhshëm,” shtoi ai.
Sipas banorëve lokalë të kontaktuar nga AFP, bilanci mund të rritet sepse dhjetëra njerëz ndodheshin në rafineri në momentin e shpërthimit.
Vihet re se shpërthimi më i keq i tubacionit në Nigeri ndodhi në tetor 1998 në qytetin Jesse, në jug të vendit, duke vrarë më shumë se 1000 banorë.
Në vitin 2022, më shumë se 110 njerëz u vranë në një shpërthim rafinerie në të njëjtën zonë.
