Një shpërthim ka ndodhur mbrëmjen e sotme në godinën e një subjekti privat në rrugën e “Rinasit” në Tiranë. Policia bën me dije se në njërën prej godinave të subjektit ka shpërthyer një bombol gazi.
Për pasojë ka vetëm dëme materiale dhe jo të lënduar në njerëz. Sakaq, vijojnë hetimet për zbardhjen e plotë të shkaqeve.
Njoftimi i policisë:
Tiranë/ Informacion paraprak
Me datë 09.12.2021, rreth orës 20:35, në rrugën e “Rinasit”, ka ndodhur një shpërthim në një godinë të një subjekti privat, konkretisht në kuzhinën e mencës, ku ka vetëm dëme materiale.
Paraprakisht dyshohet se ka shpërthyer një bombul gazi si pasojë e rrjedhjes së gazit.
Vijon puna nga grupi hetimor për zbardhjen e rrethanave të ngjarjes dhe përcaktimin e shkakut të shpërthimit.
g.v/abcnews.al
