Analisti, Ervin Kulluri ka qenë i ftuar në studion e “Newsline” me Viol Xhafaj në ABC News ka komentoi situatën e Partisë Demokratike zyrtare, e cila po “shkrihet” dita ditës me ikjen e kandidatëve për zgjedhjet e “14 Majit”.
Kulluri shprehet se kjo tregon se ka pasur një problem serioz në ngritje e një ekipi. Më pas ai shton se PD do të ketë më shumë problem gjetjen e komisionerëve.
“Këtu edhe ka lajm edhe nuk ka. Fakti që PD që në fillim nuk i plotësoi dot 61 kandidaturat, tregon që ka pasur problem serioz në ngritjen e një ekipi serioz.
Vështirësinë më të madhe do t’i kenë për komisionerë, se duhet një numër shumë i madh.
Nëse ata nuk kanë kandidatë dhe këshill bashkiak, çi duan komisionerët, votat e kujt do të numërojnë.
Grupi i vogël i Alibeajt që donin të hynin në zgjedhje dështoi. Gjatë kësaj kohe nuk kemi pasur asnjë projekt politik”, tha Kulluri.
Në lidhje me një ndikim të mundshëm të Berishës për situatën e PD, ai tha se nuk e mendon një gjë të tillë.
Sipas tij rezultati i Berishës do të jetë katastrofik, duke e marrë si pjesë më e madhe e opozitës, ndërsa ai i Alibeajt as nuk do të diskutohet fare.
“Jo. Mendoj se është pamundësia e tyre për të marrë vota, për të qenë konkurrues, jo e jo.
Rezultati i Berishës do të jetë po ashtu katastrofik, ndërsa krahu i Alibeajt as nuk diskutohet se do të marrë ndonjë bashki. Hynë për t’i qëndruasr përballë Berishës dhe kandidatëve të tij.
Anti-berishizmi i Alibeajt me shokë nuk qëndron, se deri pak kohë më parë ata nuk kishin asgjë me Berishën”, theksoi Kulluri.r.t/abcnews.al
