Shkrimtari Paul Auster, i famshëm për romanet e tij me protagonistë që shpesh janë të margjinalizuar ose të çorientuar, vuan nga kanceri.
76-vjeçari po trajtohet në Qendrën e Kancerit Memorial Sloan Kettering, bëri të ditur përmes Instagramit gruaja e tij Siri Hustvet, gjithashtu shkrimtare.
“Burri im u diagnostikua me kancer në dhjetor, ai ka qenë i sëmurë muajt e fundit”, ka shkruar ajo.
Hustvet nuk specifikoi llojin e kancerit që ka burri i saj apo prognozën.
“Të jetosh me dikë që ka kancer dhe është i bombarduar nga kimioterapia dhe imunoterapia është një aventurë mes afërsisë dhe ndarjes”, ka shtuar ajo.
View this post on Instagram
Paul Auster është autor i mbi tridhjetë librave, të cilët janë përkthyer në mbi dyzet gjuhë. Ai u bë i famshëm në vitin 1982, me librin e tij ‘Shpikja e vetmisë’, një roman autobiografik në të cilin ai zbërthen personalitetin e babait të tij, “një njeri i padukshëm”.
Autori fitoi famë ndërkombëtare në vitin 1987 me “Trilogjinë e Nju Jorkut”./abcnews.al
