Askush nuk mund t’i rezistojë një qeni dhe kjo u demonstrua nga pamjet e kamerave të sigurisë të një garazhi në një shtëpi në Kaliforni, SHBA, ku një burrë i dyshuar për vjedhjen e biçikletave në zonë shihet duke luajtur me qenin e shtëpisë.
Sipas autoriteteve, burri hyri në garazhin në zonën e Pacific Beach më 15 korrik rreth orës 22:40 për të vjedhur një biçikletë të shtrenjtë, me vlerë 1300 dollarë.
Pikërisht në momentin që autori është gati të ikë, shfaqet retriever i adhurueshëm dhe e “kap në flagrancë”. Ai e lë biçikletën dhe fillon të përkëdhelë qenin.
“Ti je kaq i lezetshëm,” dëgjohet duke i thënë qenit. “Ti je qeni më i lezetshëm që kam parëndonjëherë. Je kaq i embël”.
Më pas burri e pyet qenin “ku është babi yt?” dhe duket se po i thotë se “nuk duhet ta lërë garazhin hapur”.
Autori ende nuk është arrestuar.
/abcnews.al
