Një shkollë në Emiratet e Bashkuara Arabe fitoi një Rekord Botëror Guinness duke krijuar një medalje që mbulon një sipërfaqe prej më shumë se 63 metra katrorë.
Shkolla Ndërkombëtare Indiane Abu Dhabi njoftoi se krijoi medaljen më të madhe në botë, e cila ka përmasa 63,93 metra katrorë dhe peshon rreth 4850, për të festuar përvjetorin e pestë të shkollës dhe 50 vjetorin e Emirateve të Bashkuara Arabe.
Medalja është projektuar nga studentë dhe mësues në shkollë dhe përmban simbole të gdhendura duke përfshirë flamurin e Emirateve të Bashkuara Arabe dhe monumentet e njohura të Abu Dhabi.
Medalja u ekzaminua nga një gjykues i Rekordeve Botërore Guinness dhe u certifikua si një rekord i ri.
“Emri i Shkollës Ndërkombëtare Indiane është ngulitur në medalje si një simbol i nderit, krenarisë, suksesit dhe arritjeve të mëdha për komunitetin e saj për 5 vitet e fundit dhe për më shumë vite që do të vijnë”, tha shkolla në një postim në Facebook./abcnews.al
