Nga Ajgena Korbi
Pas dëmtimit nga tërmeti i vitit 2019, dyert e shkollës 9-vjeçare “Musine Kolari” në Kombinat nuk u hapën më për nxënësit.
Rreth 600 fëmijë që më parë mësonin këtu janë zhvendosur në shkollën “Betim Muço”. Ata janë të detyruar të zhvillojnë mësim nga ora 2 në mesditë deri në 8 të mbrëmjes. “Është vonë, vjen më merr mami.”
Turni i dytë i mësimit ka vënë në vështirësi shumë prindër. “Problem e kam se jam në punë”.
Prindërit kërkojnë rindërtimin e shkollës, por pranë institucionit arsimor nuk ka asnjë tabelë që tregon për nisje të punimeve.
Rindërtimi i shkollës 9 vjeçare “Musine Kokalari” është përzgjedhur për t’u financuar nga Bashkimi Europian. Punimet do të ndiqen nga UNDP Albania.
Aktualisht projekti ka përfunduar. Një pjesë e shkollës do të shembet për t’u ndërtuar nga e para dhe pjesa tjetër do rikonstruktohet. Sipas Bashkisë së Tiranës është aplikuar për leje dhe brenda pak ditësh do të nisin punimet. /abcnews.al
