Tirana dhe Kukësi do të përplasin “brirët” mes tyre në sfidën e javës së 18-të në “Air Albania” ora 16:45, një sfidë e cila do të jetë e luftuar nga fillimi deri në fund.
Kjo supersfidë rrezikonte që të mos kishte në shkallët e stadiumit një nga tifogrupet më të mëdha që skuadra e Tiranës ka, dhe vetëm pak orë pasi “Tirona Fanatics” kishte lajmëruar se nuk do ishte prezentë në “Air Albania” për shkak se kërkohej ID për të hyrë në stadium, ka ardhur edhe lajmi i mirë për skuadrën e Orges Shehit.
Lojtari i 12-të i tyre do të jetë në stadium dhe në mbështetje të skuadrës së tyre të zemrës për supersfidën e titullit, dhe këtë e kanë konfirmuar nga një postim në “Facebook”.
“Fanatics konfirmon prezencën nesër në “Air Albania”, pas zgjidhjes se problemit të ID-së!
Shkojmë nesër masivisht, për TIRONËN, pa karta!
Shifemi nesër…Për Tironën!”
/f.a/abcnews.al
