Detaje të reja janë zbuluar nga aksidenti i kësaj të enjtje në Elbasan ku një fëmijë tre vjeç ka humbur jetën dhe nëna e tij është në gjendje të rënë në spital.
Burime për abcnews.al bëjnë me dije se nëna bashkë me fëmijë 3 vjeç kishin shkuar në farmaci për të marrë ilaçe për dy binjakët që i kishte të sëmurë në shtëpi, po për shkak të shpejtësisë, drejtuesja e automjetit ka devijuar rrugën për të shmangur dy kalimtare dhe është përplasur me shtyllën.
Ndër të tjera mësohet se 38 vjeçarja dhe familja e saj nuk jetonin në Shqipëri dhe ato kishin ardhur me pushime tek të afërmit.
Ngjarja ka ndodhur mëngjesin e sotëm në fshatin Mengël, Elbasan, ku shtetasja me iniciale O.M. duke drejtuar mjetin tip “Ford”, ka humbur kontrollin e mjetit duke dalë nga rruga dhe për pasojë ka humbur jetën shtetasi D.M., 3 vjeç, i cili ishte pasagjerë në këtë mjet./abcnews.al
