Kur keni qenë fëmijë, ndoshta keni përjetuar abuzim emocional nga prindërit tuaj. Kur u bëtë prind, mund ta keni aplikuar edhe në mënyrë të pandërgjegjshme. Pediatrja franceze Catherine Gueguen shpjegoi së fundmi se si t’i rrisim siç duhet fëmijët tanë në shekullin e 21-të, duke theksuar se ndëshkimet, të bërtiturat dhe kërcënimet ndikojnë negativisht në trurin e të miturve, duke shkaktuar ndryshime të përhershme që në afat të gjatë mund të krijojnë probleme të tilla si depresioni dhe ankthi.
Dihet se prindërit që janë rritur në mjedise tepër të rrepta, ose që vetë kanë qenë viktima të abuzimit, përfundojnë duke riprodhuar të njëjtat modele. Pediatri citon të dhënat nga një sondazh i UNICEF-it, sipas të cilit katër në pesë fëmijë rriten me një edukim që është ose verbalisht ose fizikisht i dhunshëm. Një 80% mbresëlënëse e tyre marrin një formë ndëshkimi fizik.
? #LaSemanaEnELPAÍS | Regular punishments and threats not only don’t work, but actually damage the brain of minorshttps://t.co/nH5T1109CU
— EL PAÍS América (@elpais_america) June 26, 2023
Gueguen i referohet gjithashtu rezultateve të një sondazhi të fundit të kryer në Francë në tetor 2022, në të cilin 79% e një kampioni prej 1314 familjesh pranuan se kishin përdorur dhunë psikologjike në edukimin e fëmijëve të tyre. Nëpërmjet “stërvitjes negative”, amigdala e trurit (një grup neuronesh të lidhur me funksionet më instinktive të trurit) bëhet më reaktive ndaj emocioneve negative, dhe kështu zona që menaxhon emocionet, lobi paraballor, bëhet më pak i aftë për të menaxhuar ankthin dhe stresin.
Këta të mitur përfundojnë më apatikë, kanë vështirësi në gjetjen e motivimit dhe gjërave që i emocionojnë dhe janë në rrezik më të madh të varësisë nga droga.
Kur një fëmijë ndëshkohet, aktivizohen zonat e poshtme të trurit, ato që kanë të bëjnë me mbijetesën. Lirohen doza të mëdha adrenaline dhe kortizoli, të cilat bllokojnë mendimin, me fjalë të tjera ndëshkimi i shtyn fëmijët në hakmarrje, pasi pjesa e trurit të tyre që merret me instinktet dhe emocionet është e tepërt e aktivizuar. Ata nuk mund të mendojnë në mënyrë racionale për atë që ndodhi, por i binden plotësisht pjesës së tyre më instinktive dhe emocionale. Kjo është arsyeja pse dashuria, respekti, durimi dhe mirësia janë kaq të nevojshme.
Gueguen thotë: “Ka një përshtypje se dhuna ndaj fëmijëve nuk është aq e zakonshme, por është. Si mjek pediatër, kam dëgjuar shumë prindër të pranojnë se kur humbasin durimin, ndëshkojnë, kërcënojnë apo edhe godasin fëmijët e tyre”.
Emocionet dhe ndjenjat luajnë një rol kyç në të menduarit tonë racional
Emocionet në përgjithësi janë ato që luajnë rolin më të madh teksa fëmijët rriten dhe zhvillohen, dhe duke analizuar se çfarë duhet të ketë një prind për të edukuar siç duhet fëmijën e tyre, ekspertët arrijnë në përfundimin se para së gjithash duhet të jenë empatik dhe në kontakt para së gjithashme ndjenjat e tij. Të pranosh gjithçka dhe ta shprehësh atë./abcnews.al
