Volodymyr Zelenskiy njoftoi sot se Ukraina ka siguruar lirimin e 49 personave nga robëria ruse në shkëmbimin e fundit të të burgosurve me Moskën. Marrëveshja u ndërmjetësua nga Emiratet e Bashkuara Arabe, tha një zëdhënës i agjencisë së inteligjencës ushtarake të Ukrainës.
“Një tjetër kthim i popullit tone, diçka që ne gjithmonë presim dhe punojmë pa u lodhur për ta arritur. Ne duhet të sjellim në shtëpi secilin nga njerëzit tanë, si ushtarakë ashtu edhe civilë,” tha Zelensky, duke njoftuar shkëmbimin e 56-të të tillë me Rusinë.
Welcome home!
Many of those who return today have been in Russian captivity for over two years. https://t.co/0I0Np8TuT5 pic.twitter.com/YHtffXhed6
— Anton Gerashchenko (@Gerashchenko_en) September 13, 2024
Shefi i tij i shtabit, Andriy Yermak, tha se ukrainasit që ishin liruar përfshinin shtatë civilë së bashku me personelin e forcave të armatosura, gardës kombëtare, policisë dhe shërbimit të rojes kufitare.
Ukraina nuk tha se sa rusë ishin liruar. Moska ende nuk ka komentuar mbi shkëmbimin.
/abcnews.al
