Robert Berisha është vënë sërish në qendër të vëmendjes për shkak të romancës së re të dashurisë. Bëhet fjalë për modelen e njohur italiane, Maria Bove, me të cilën ndau një video në rrjete sociale ku shiheshin duke darkuar. Por pas videos ku tregojnë se janë bashkë, modelja italiane ka shkëmbyer dhe një puthje pasionante me Berishën.
Në postim ajo ka etiketuar dhe këngëtarin, duke e shoqëruar me një zemër. Megjithëse ende asnjëri prej tyre nuk ka reaguar, duket se Roberti dhe Maria janë çifti më i ri i showbizzit. Sakaq, dyshja ka tërhequr gjithashtu dhe vëmendjen e mediave italiane, të cilat kanë shkruar për këngëtarin shqiptar.
Mediat fqinje vënë në pah se Berisha drejton një emision mjaft të suksesshëm “Robi plaket kur don vetë” si dhe faktin se ka qenë i martuar me yllin e muzikës, Nora Istrefi. Kujtojmë që këta të fundit i dhanë fund martesës së tyre pak kohë më parë, dhe gëzojnë një raport të mirë me njëri-tjetrin për hir të vajzës, Renee. /abcnews.al
