Tre persona në Elbasan janë vënë në pranga pasi kanë thyer rregullat e qarkullimit rrugor.
Njoftohet se, në pranga është vënë 28-vjeçari O.C., banues në fshatin Valas si dhe 62-vjeçari D.B., banues në fshatin Trojas të Belshit pasi janë kapur nga polcia duke drejtuar motoçikletat pa leje drejtimi.
Po ashtu, në pranga është vënë edhe 41-vjeçari J.K., banues në Elbasan, pasi është kapur policia duke drejtuar mjetin në gjendje të dehur.
Njoftimi:
Elbasan
Specialistët e Qarkullimit Rrugor në Drejtorinë Vendore të Policisë Elbasan, arrestuan në flagrancë shtetasit:
O.C., 28 vjeç, banues në fshatin Valas, Elbasan, dhe D.B., 62 vjeç, banues në fshatin Trojas, Belsh , pasi janë kapur nga shërbimet e Policisë Rrugore duke drejtuar motoçikletat pa leje drejtimi.
J.K., 41 vjeç, banues në Elbasan, pasi është kapur nga shërbimet e Policisë Rrugore duke drejtuar mjetin në gjendje të dehur.
Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme. /abcnews.al/
