Shtëpia ku Aretha Franklin u rrit në Detroit është shitur për 355,000 dollarë. Pesë vite pas vdekjes së “mbretëreshës së shpirtit”, shtëpia ku ajo kaloi vitet e fëmijërisë, tashmë i përket një familjeje të re.
Sipas TMZ, rezidenca është shitur të mërkurën e kaluar, ku blerësit, të cilët nuk janë të famshëm, por njerëz të thjeshtë, kanë arritur ta blejnë me një çmim shumë më të ulët se origjinali.
Në maj, shtëpia doli në shitje për 380,000 pasi u listua fillimisht dhe përfundimisht u tërhoq nga tregu. Pas negociatave, blerësit ishin në gjendje të ulnin çmimin në 355,000 dollarë.
Ajo përfshin 6 dhoma gjumi, 5 banja dhe përbëhet nga 6000 metra katrorë. Pothuajse në të gjitha dhomat ka oxhaqe, ndërsa në katin e sipërm ka një dhomë gjumi tjetër që mund të përdoret si shtëpi për mysafirë.
Aretha Franklin jetoi në këtë shtëpi nga mosha 5-vjeçare deri në moshën 18-vjeçare. Në vitin 2011 ajo vizitoi përsëri shtëpinë, për të kujtuar kujtimet nga e kaluara./abcnews.al
