Sipas botimit më të fundit të Anketës së Armëve të Vogla, rreth 857 milionë armë zjarri janë në duart e civilëve në të gjithë botën në 2017, së bashku me 133 milionë të tjerë në posedim të ushtrive dhe 22.7 milionë të kontrolluar nga zbatimi i ligjit.
Hulumtimi vëren se është e vështirë të vlerësohet numri i armëve të zjarrit në qarkullim me siguri absolute dhe ai u mbështet në një sërë burimesh të të dhënave në dispozicion, përfshirë dokumentet zyrtare të publikuara dhe studimet kërkimore, përgjigjet zyrtare të pyetësorëve, sondazhet e opinionit publik dhe korrespondencën me ekspertët.
Vendin e parë e zë SHBA, ku civilët kanë armë me leje ose të paligjshme. Sipas kësaj shifre në Shtete e Bahkuiara ka më shumë armë se njerëz. Hulumtimi vlerëson se SHBA kishte 393.3 milion armë zjarri civile dhe të paligjshme në 2017 – 120.5 për çdo 100 banorë të saj.
India që ka një popullsi prej 1.35 miliardë, por vjen në vendin e dytë pas SHBA me 71.1 milion armë civile/të paligjshme. Kina, vendi i dytë më i populluar në botë, vjen i treti në renditje me 49.7 milion, i ndjekur nga Pakistani (43.9 milion) dhe Rusia (17.6 milion).
g.v/abcnews.al
