Është shoqëruar me momente tensioni mbërritja e gjyqtares Mimoza Margjeka, në Gjykatën e Posaçme.
Në dyert e gjykatës ajo tha para mediave se ka pritur 5 orë sot për shoqërimin e saj, por policia nuk kishte pasur një urdhër të tillë.
“Keni bërë shkresa më pas për çdo gjë. Nuk dinit ku të më çonit. Më kanë çuan të shkalla e parë, më çuan në bodrum të gjykatës , tani erdhëm këtu. Turp”, tha ajo.
Gjyqtarja Margjeka, pohoi se ka të paktën një vit që pret arrestimin e saj.
Lexo edhe: “3 gjyqtarë, nga 2 mijë €”, pritet verifikimi i masës së sigurisë ndaj gjyqtares së Durrësit
Sa i përket ditës së sotme ajo pohoi se punonjësit e policisë që duhet ta shoqëronin nuk kanë pasur dijeni se ku duhet ta dërgonin. Ajo tha se nuk e dinin se ku duhet ta shoqëronin ndërsa theksoi se prej 5 orësh priste të shoqërohej në ambientet e Gjykatës.
Lexo edhe: Efektivët shkuan pa fletën e shoqërimit, shtyhet seanca e gjyqtares Markgjekaj
Sakaq ajo pohoi se është bërë një tjetër shkresë për ta shoqëruar atë, në ambientet e Gjykatës së Posaçme.
Margjeka u shpreh e irrituar edhe me vendimin e dhënë në mungesë ndaj saj që më pas u bë edhe ekzekutimi.
Po ashtu bashkëshorti i saj ndodhet në qeli me masën e sigurisë “arrest në burg”, në akuzën e korrupsionit.
Pasi bashkëshorti i gjyqtares ka qenë personi që ka marrë dorazi edhe shumën e parave prej 6 mijë eurosh.
Tashmë ka nisur edhe seanca gjyqësore, për tu verifikuar dhe konfirmuar , pesë personave të akuzuar për korrupsion , masa e sigurisë.
Gjykatës e Shkallës së parë në Durrës, Mimoza Margjeka, për pesë muaj me radhë, ka qenë e komanduar në Gjykatën e Apelit të Korçës.
Hetimi
Çështja për të cilën akuzohet Mimoza Margjeka, bashkëshorti i saj si edhe avokati Skënder Demiri. Policia arrestoi në korrik të këtij viti një grup që transportonin klandestinë, mes tyre ishte edhe Orion Bali.
Fillimisht gjykata e Pogradecit dha masën e sigurisë “arrest me burg” për Balin, por familjarët ndërhynë përmes avokatit Demiri dhe përmes 6 mijë eurove synuan ndryshimin e vendimit në Apelin e Korçës nga “arrest me burg” në “arrest shtëpie”.
Pas kontakteve të para, SPAK vuri në përgjim personat e dyshuar duke zbuluar se në skemë ishte edhe bashkëshorti i gjyqtares, dekani i Fakultetit Juridik në Universitetin “Aleksandër Moisiu”, në Durrës, Arben Cara.
Vendimi për Durrësin
Mimoza Margjeka njihet si gjyqtarja që nuk njohu zgjedhjet e 30 qershorit 2019 në Durrës.
Margjeka ishte e vetmja që nuk i dha në shkallën e parë mandatin kryebashkiakes së PS që garoi vetëm, Valbona Sako.
Sipas saj zgjedhjet ishin nul, për shkak të regjistrimit të kandidates tjetër të BD-së për kreun e bashkisë, Valbona Sakollari, jashtë afateve të përcaktuara me ligj.
Valbona Sako e mori mandatin pasi Apeli pranoi kërkesën e PS-së duke rrëzuar vendimin e Margjekës, e cila nga Durrësi u transferua në gjykatën e Korçës, ku SPAK e kapi në një rast korrupsioni.
/abcnews.al/
