Sherr në Shkodër/ Dy persona bëjnë për spital 33-vjeçarin

Një sherr për motive të dobëta ka ndodhur këtë të enjte në Shkodër. Mësohet se dy persona kanë rrahur një 33-vjeçar, i cili ka shkuar për kurim në spital.

“Rreth orës 12:10, në spitalin rajonal të Shkodrës, është paraqitur i dëmtuar lehtë, shtetasi, 33 vjeç, banues në fshatin Bleran, i cili pretendon se gjatë një konflikti të çastit, për motive të dobëta, në rrugën ” Isa Jakupi” e kanë goditur me send të fortë, 2 shtetas të paidentifikuar”, thuhet në njoftimin e Policisë.

Ndërkohë, grupi hetimor vijon të punojë për identifikimin dhe kapjen e 2 shtetasve, si dhe për sqarimin e rrethanave të rastit./abcnews.al