Ndërhyrja në kohë e policisë ka parandaluar përshkallëzimin e një konflikti që mund të kishte pasoja tragjike.
Kjo pasi një sherr verbal që nisi mëngjesin e kësaj të premteje mes dy të rinjve pranë një lokali në Vlorë përfundoi në konflikt fizik.
Për pasojë mbeti i plagosur me thikë 18-vjeçari I.S. Pas hetimeve të menjëhershme të policisë u bë e mundur kapja e autorit. Ai është Xh.A, bashkëmoshatar me të plagosurin.
Dyshohet se konflikti ka ndodhur për motive të dobëta midis disa të rinjve.
Ndërkohë mësohet se i plagosuri ndodhet jashtë rrezikut për jetën./abcnews.al
