Dy reperet më të famshme të industrisë muzikore Cardi B dhe Nicki Minaj, janë përfshirë në një sherr masiv mbrëmjën e së premtes.
Ngjarja ndodhi në New York Fashion Week, ku ato ishin të ftuara nga Harper Bazaar për mbrëmjën madhështore të këtij eventi.
Sipas burimeve të TMZ, Cardi i është afruar tavolinës së Minaj për të vënë në vend gënjeshtrat që ajo po shpërndante në emër të saj.
Në videon e publikuar në rrjetet sociale, shihen pjesë nga sherri i dy artisteve. Burimet thanë gjithashtu se trupat e sigurisë së Nickit kishin një plan paraprak nëse Cardi do tentonte ti afrohej asaj, madje njëri prej tyre e goditi me bërryl në fytyrë duke i shkaktuar dhe lëndime këngëtares.
Në video duket gjithashtu dhe momenti kur Cardi e godet rivalen e saj me këpucë. Nicki ndërkohë ka qëndruar larg në çdo moment.
Disa orë pas ngjarjes Cardi B shpjegoi në rrjetet sociale se arsyeja përse e kishte sulmuar këngëtaren nga Barbadosi ishte për shkak se ajo kishte kritikuar aftësitë e saj si nënë. Gjithashtu ajo kishte ndaluar artistë të tjerë në industri që të pnonin me të.
Ndërkohë Nicki postoi një video ku tregonte se nuk kishte shenja apo gërvishtje nga sherri i bërë./abcnews.al
